Ajay Devgn is back in Drishyam Mode with Shaitaan..!!
2023 mein ek Gujarati language supernatural horror thriller Film aayi thi theatres mein jiska naam tha VASH. Aur iss movie ko jo critical acclamation mila tha wo sab to aap log jaante hi hoge. Aur theek 1 saal baad aaj theatres mein release huyi hai “Shaitaan” starring Ajay Devgn, R Madhavan, Jyothika and Bollywood mein debut kar rahi actor Janki Bodiwala jo original movie Vash mein bhi same role mein thi. Film poore 2 ghante 12 minutes ki hai. Chaliye ab iske positives aur negatives ki baat karte hai. Ab dekho bhai maine original movie VASH dekhi nahi hai aur dekhi bhi hoti to remake se mai compare bilkul bhi nahi karta.
POSITIVES
Sabse pehle to Janki Bodiwala jinhone iss film mein apna bollywood debut kiya hai, aur kya kaam kiya hai, ek original movie se leke same remake mein bhi wahi actor ko daalna bohot hi rare hai, isse pehle maine sirf ye Ghajini movie mein dekha tha jisme Asin ko original aur remake dono mein rakha tha aur usme uska kaam wahi same parde par bhi dikha tha, aaj phir Janki ne uski yaad dilaadi, kya baat hai yaar.Wo face mein torture dikhana, emotions dikhana , ekdum audience ki fat jaaye aisi acting thi.
Ab baat karte hai Ajay aur Madhavan ki to mai kya hi bolu, inn dono ki image bollywood mein pehle se acchi hai aur apne kaam se ye aur accha kar rahe hai har project mein. Baat karu Jyothika ki to bohot dino baad humne inhe Hindi Filmo mein dekha aur lajawaab kaam. Movie itni acchi hai ki aap bohot baar kisi movie mein aap child artists ko bhi bhul jaate ho, par iss movie mein jo child artist hai Anngad Raaj, kya kaam kiya hai uss bacche ne bhi, waah, udhar uski fat rahi thi, aur wo same feeling audience ko bhi ho rahi thi.
Film ka climax, film mein beech beech mein jumpscare scenes totally gives an edge of the seat thriller.
Screenplay, Direction, Cinematography sab mast aur last mein Vfx theek thaak tha…!!
NEGATIVES
Dekho bhai, ye negative point hai ya nahi pata nahi par ye movie disturbing to hai kaafi scenes mein, aur ye movie U/A to bilkul deserve nahi karti, isko A rating hi milni chahiye thi. Kucch kucch jagah aap bore feel ho jaaoge, lekin wo bhi sirf 2-3 mins ke liye hi..!!
Overall ye movie Theatres mein dekhna to banta hai lekin on one condition jisko movie sirf movie ki tarah hi pasand aaye wo hi dekhna, jiska dimaag disturb ho jaaye bohot hi zyaada wo dur raho, OTT pe dekhlena aaram se ya dekhna hi mat.
FAMILY RECOMMENDATION
Agar soch rahe ho ki family ke saath accha time spend hoga to mai kya hi bolu, entertain to hoga hi par aapko darr aur uncomfortable lagne lagega, take it as a horror film and go. Waise bhi Bollywood is not good in horror films aur aise horror ko touch karne waali movie hai ye to dekh sakte ho.